ԴԻՏԵՔ ՆԱԵՎ

Որ համեմունքներն են վտանգավոր երեխաների համար. գիտնականներ


Երեխաների սննդակարգը շատ կարևոր է, ուստի ծնողները միշտ փորձում են հնարավորինս օգտակար ու համեղ ուտեստներ պատրաստել երեխաների համար: Սնունդն ավելի համեղ դարձնելու համար ծնողները հաճախ դրանց օգտակար համեմունքներ են ավելացնում, սակայն բժիշկները նշում են, որ ոչ բոլոր համեմունքներն են առողջարար երեխաների համար:


Հյուսիսային Կարոլինայի համալսարանի գիտնականները ներկայացրել են այն համեմունքները, որոնք կարող են վտանգավոր լինել փոքրիկների համար: Նրանց խոսքով՝ դրանցից որոշները նպաստում են օրգանիզմում կապարի մակարդակի բարձրացմանը, ինչը շատ վնասակար է սրտամկանի և նյարդային համակարգի համար:

Ըստ գիտնականների՝ երեխաների համար վտանգավոր կարող են լինել վանիլինը, աղացած պղպեղը, չիլի պղպեղն ու քրքումը, քանի որ դրանք նպաստում են նրանց աճող օրգանիզմում կապարի մակարդակի զգալի բարձրացմանը: Ի դեպ, այս մետաղի մակարդակի բարձրացում էր նկատվել նաև այն երեխաների մոտ, որոնց սննդին քիմիոն, անիսոն ու համեմի սերմ էր ավելացվում:

Այնպես որ՝ մինչ երեխաների սննդակարգում տարատեսակ համեմունքներ ներառելը ծնողները պետք է անպայման խորհրդակցեն բժշկի հետ:

lurer



Facebook Comments